Луис Енрике распали по победата: Ти си најнегативниот човек во историјата на фудбалот (Видео)

Луис Енрике ќе може да олади за време на репрезентативната пауза и да мисли на предизвиците кои ќе следат после две седмици, бидејќи неговиот ПСЖ вчера победи на тешкото гостување кај Рен и го намали притисокот кој се создаде во последно време.

Француските новинари се навистина немилосрдни кон Лучо и веќе го посочија како главен виновник за неубедливите изданија на тимот, но Луис Енрике не останува должен и веќе влезе во неколку конфликти со претставниците на седмата сила.

Така било и по вчерашниот меч во Рен кој заврши со резултат 1:3, кога Лучо влегол во жестока вербална пресметка со новинарот на Лига 1, Александре Луиз.

Претставникот на Лига 1 побара од Луис Енрике да го посочи најслабиот елемент на кој тој и играчите треба уште да работат, по што Лучо избувна и навистина дрско му се обрати пред камерите.

– Ти го гледаш само негативното, тоа е страшно….. На секое интервју истото, ти си најнегативниот човек во историјата на фудбалот. Кога победивме 4:1, ми кажа дека сме заслужиле да изгубиме. Играчите не се машини, Рен беше подобар во првите 25 минути и си реков дека мора да промениме многу нешта за да не загубиме. Фудбалот е спорт во кој работите се менуваат во одреден момент. Младите крај телевизорите разбираат се, ти си тој кој не разбира. Навистина тоа го мислам кога ми поставуваш вакви прашања, – порача Луис Енрике.

🥶 Luis Enrique n’a pas beaucoup apprécié les questions des journalistes qui ont été posé après le match par @FreeLigue1 !

Êtes-vous d’accord avec sa réaction ? pic.twitter.com/5ZEwlylZ8J

— SPORTS ZONE (@SportsZone__) October 8, 2023