„Лавовите“ ја засилија одбраната со бразилски интернационалец

Екипата на Македонија Ѓорче Петров ги засили своите редови со бразилскиот интернационалец Андреј Јаго да Силва Мескита Алмеида.

Се работи за 25 годишен играч кој ја покрива левата бековска позиција. Тој во таборот на „лавовите“ доаѓа од Г.Е.Л. (Гремио Еспертиво Ларанжеирас), а ова во Европа ќе биде второ негово искуство по настапите за Фатима од Портигалија.

Ова е прво засилување кое „лавовите“ го потврдија за пролетниот дел од кампањата каде клубот ќе се обиде да ја поправи својата позиција на табелата, но и да го одбрани трофејот во Купот на Македонија.