Крај на приказната: Заврши љубовта меѓу Ванда Нара и Икарди

Мауро Икарди пред некое време пронајде нов клупски ангажман и се пресели во редовите на Галатасарај, но откако го затвори тоа прашање по се изгледа му се отвара ново и тоа на приватен план.

Имено неговата сопруга и воедно агент, Ванда Нара објави дека се разведува од него. Тие долго време се заедно, имаат три деца, но нивната врска постојано беше бурна и исполнета со контраверзи уште од моментот кога таа реши да се раздели со претходната љубов Макси Лопез и се фрли во прегратките на неговиот добар пријател.

-Многу ми е болно да живеам во моментов, но со оглед на мојата изложеност, работите кои доаѓаат, медиумските шпекулации, подобро е да дознаете од мене. Немам веќе што да разјаснувам и нема да откривам детали од оваа разделба. Ве молам за разбирање не само заради мене туку и заради нашите деца, -порача Ванда.

Останува да се види како ова ќе влијае врз новиот напаѓач на Галатасарај од кого се очекува да испорача многу голови во тимот од Истанбул во актуелнава кампања.