Костоски со клучна тројка донесе драматична победа за Пелистер во АБА2 лигата (Видео)

Пелистер на драматичен начин стигна до петта победа во АБА 2 лигата, откако ова попладне го отвори турнирот во Широки Бријег со неизвесен натпревар кој беше зачинет со завршена драма.

Македонскиот претставник најде решение за Борац од Бања Лука и имаше повеќе нерви во лудата завршница, во која клучна тројка постигна Костоски за победа од 73:72.

Пелистер одигра пожртвувано и се врати од двоцифрена негатива која ја имаше и на стартот на последнат четвртина, а покрај Костоски, одлучувачки беше и Планиниќ кој всушност го врати македонскиот тим во игра.

Токму Планиниќ со 21 поен беше најефикасен во таборот на победничкиот тим, но доказ за спектакуларната партија е и фактот што имаше дури 15 скокови зад своето име.

Завршниот херој Костоски зад своето име запиша 14 поени, а еден помалку постигна Најт.