Кошаркарите не успеаа да направат изненадување против Грузија

Македонската кошаркарска репрезентација не успеа да направи изненадување и загуби од Грузија со 91-70 во третиот натпревар од квалификациите за Светското првенство.

Ние се соочивме со огромни проблеми пред овој меч, не можевме да сметаме на неколку важни играчи, потоа поради позитивен тест на КОВИД-19 го загубивме и селекторот Драган Бајиќ со што беше јасно дека ќе ни биде потребно вистинско чудо за да дојдеме до позитивен резултат во Тбилиси.

Тоа чудо не се случи, беа надиграни од домаќинот во три од четирите четвртини и со тоа го претрпевме третиот пораз во овој квалификациски циклус.

Немавме одговор за дуото Мекфаден-Шермадини, првиот уфрли 26 поени со 6 скока и 5 асистенции, центарот пак имаше дабл-дабл од 20 кошевии 15 скокови, плус 6 асистенции.

Во нашиот табор лидер беше Војдан со 15 поени, двоцифрени беа уште Робев (13), Кристевски и Ефремовски (11).

Овие два селекции повторно ќе е сретнат и тоа на 27 февруари во СЦ „Борис Трајковски“ во Скопје.