Класа потег: Иџе и Вуков први му честитаа на Давидовски за историскиот успех (Фото)

Виктор Давидовски оствари најголем успех во својата кариера ова попладне во Франција, бидејќи мина како прв низ целта на трката во ТЦР Европа шампионатот.

На втората трка на патеката Пол Рикар, Давидовски стартуваше од пол позицијата и маестрално одговори на притисокот, возејќи перфектни 10 круга во кои без ниту една грешка се одбрани од Гаврилов.

Давидовски стана првиот Македонец во историјата кој победил на трка во ТЦР Европа, па со тоа автоматски стана јасно дека денеска се испишаа нови страници во автомобилизмот во нашата земја.

Возачот на Ауди од „Comtoyou Racing“ беше пресреќен по огромниот триумф, а навистина убаво е да се види дека прв му честиташе нашиот прв најголем преставник на трките во Европа, Игор Стефановски Иџе.

– Браво Виктор, – гласи пораката од двајцата преку социјалните мрежи