Канада по голема драма до титулата на СП во хокеј на мраз (ВИДЕО)

Селекцијата на Канада е победник на Светското првенство во хокеј на мраз кое во изминатиов период се играше во Летонија.

Канаѓаните во мечот за пехарот славеа над Финска по една вистинска драма и тоа со златниот гол кој во продолжението го постигна Ник Пол (3-2).

Имено составот на Канада губеше двапати на овој дуел со 1-0 и 2-1, но успеваше да се врати, да израмни и се избори за дополнителни минути во кои Пол со својот погодок ја донесе третата светска титула во последните шест години.

Во малото финале, поточно битката за бронзата САД ја декласираше Германија со 6-1.

Наредниот мундијал во хокеј на мраз ќе се одигра во Финска во 2022 година.