Јувентус ја тестира желбата на Погба за враќање во Торино: Французинот ќе мора да се откаже од…

Пол Погба долго време се поврзува со заминување од Манчестер Јунајтед и премин во редовите на Јувентус или Реал Мадрид.

Актуелната состојба предизвикана од коронавирусот може да му го стопира трансферот на Французинот кој заработува вистинско богатство на „Олд Трафорд“.

Од Реал Мадрид веќе се откажаа од намерата да го ангажираат играчот, барем додека не се ослободат од преплатените ѕвезди како Герет Бејл и Хамес Родригез, па засега единствена опција остана само Јувентус.

Сепак, и Јувентус нема да има многу пари кои би можел да ги вложи во ангажманот на Пол Погба кој би чинел околу 90 милиони евра.

Проблем е и неговата плата која е превисока за Јувентус. Погба во Манчестер Јунајтед заработува 15 милиони фунти годишно, а за да го реализира трансферот во Јувентус наводно се согласил на 11 милиони фунти годишна плата.

Но, како што пишува „Тутоспорт“ и ова се преголеми пари за Јувентус кој ќе побара Погба дополнително да ги намали барањата и да заработува барем по девет милиони евра годишно.

Со ова на сериозен тест е ставена желбата на 27 годишниот фудбалер да си замине од Манчестер Јунајтед и да се врати во Торино.