Јокиќ нема дилеми: Дончиќ заслужува да биде МВП

Денвер Нагетс не успеа да оствари позитивен резултат на гостувањето во Тексас кај Далас Маверикс во средба која беше решена во последната секунда од страна на Кајрин Ирвинг.

Ова беше дуел во кој Никола Јокиќ одигра под своите стандарди, но од друга страна пак блескаше Лука Дончиќ кој беше прв стрелец со 37 поени. Познато е дека Јокиќ и Дончиќ многу се почитуваат, па Србинот нема дилеми дека ѕвездата на Далас го заслужува признанието МВП за сезонаат 2023/2024.

-Мислам дека 100 проценти го заслужува МВП признанието. Но, тоа не е моја одлука, да бидам искрен, -истакна центарот на актуелниот шампион.

Дончиќ сезонава има просек од речиси трипл-дабл, 34,3 поени, 9,8 асистенции и 9 скока.