И Кузмановски отпадна од комбинација за дуелите со Романија

Македонската ракометна репрезентација ќе одигра два натпревари со селекцијата на Романија во рамките на ЕХФ неделата, дуели пред кои селекторот Кирил Лазаров се соочува со проблеми кога е во прашање играчкиот кадар.

Во изминативе денови од комбинација отпаднаа Томислав Јагуриновски, Ненад Костески и Павле Атанасијевиќ, листа на која сега е додаден и Филип Кузмановски.

Средниот бек нема да биде активен на овој собир, па Лазаров веќе повика еден нов играч Давид Савревски, а не е исклучено уште некој нов ракометар дополнително да се најде во селекцијата за овој „прозорец“ кој дефинитивно е значаен затоа што ни е подготовка за за баражот за СП 2025 против Фарски Острови.