Гризман има голема желба: Ќе разговaрам со клубот, тоа ми е сон

Антоан Гризман повторно е еден од лидерите на Атлетико Мадрид, односно веќе се заборавени сите проблеми кои ги имаше на почетокот на вториот мандат по враќањето од Барселона.

Напаѓачот сега дава голови, асистира, има огромно влијание во играта и одново го има статусот на еден од најважните играчи на теренот. Атлетико има има доста битки до крајот на сезонава, а Гризман ќе биде повеќе од потребен за да се остварат зацртаните цели.

Тој веќе гледа и подалеку и ќе седне на маса на клубот за да си го оствари сонот и игра за Франција на ОИ кои годинава се на програмата во Париз.

-Ќе направам се за да учествувам на ОИ во Париз. Тоа е нешто исклучително, да ги имате Игрите во Париз. Ќе разговарам со клупските челници во догледно време, за да видам дали ќе ме пуштат. Го познавам своето тело, имаме одлични физиотерапевти и нема никакви проблеми.

-Ако не сум во репрезентацијата, ќе ги бодрам француските спортисти пред телевизор. Сакам да гледам ОИ со моите деца. Мојата ќерка Миа сака гимнастарки, -обелоденил напаѓачот за „Монд“.

Останува да се види дали Антоан ќе биде еден од тројцата играчи над 23 години во олимписката репрезентација која во Париз ќе ја предводи тренерот Тјери Анри.