Гранеруд „леташе“ на Гармиш и победата ја прослави како Халанд (Видео)

Првиот ден во новата година традиционално ни ја донесе втората станица од турнејата „Четири скокалници“, која мора да се признае дека беше крајно возбудлива до последниот скок.

Големите љубители на натпреварите во ски-скокови одново останаа воодушевени од случувањата на Гармиш-Партенкирхен, бидејќи победникот од Оберстдорф го чуваше најдоброто за самиот крај.

Полјакот Давид Кубацки за момент беше најдобар, после него импресионираше и Словенецот Анже Ланишек кој го презема врвот, но на крајот сите го чекаат последниот лет на Халвор Егнер Гранеруд.

Норвежанецот полета на Гармиш и вториот скок од 142 метри му го донесе првото место, откако претходно во првата рунда скокна 140 метри.

Гранеруд беше за нијанса подобар од конкуренцијата и победи на Гармиш, при што реши да прослави во стилот на својот многу познат сонародник, Ерлинг Халанд.

– Пред две години бев во многу добра форма на Гармиш и помислив дека ќе можам да режирам прослава како Халанд, да прославам во негова чест. Тој во тоа време беше крал во Германија, но на крајот завршив втор. Го чекав овој момент и затоа прославив на таков начин, – откри Гранеруд кој со победи од Оберстдорф и Гармиш патува на следните две станици во Инсбрук и Бишофсхофен.

𝐆𝐎𝐋𝐃 𝐅𝐎𝐑 𝐆𝐑𝐀𝐍𝐄𝐑𝐔𝐃 🥇

Unstoppable! @HGranerud adds Garmisch-Partenkirchen to his victory list with a 𝐦𝐚𝐬𝐬𝐢𝐯𝐞 jump of 142m, 5m further than Lanisek in second place 🥈🏆#4hills | #FourHills pic.twitter.com/LUpfM8sgcq

— Eurosport (@eurosport) January 1, 2023

Granerud 🤝 Haaland…

It's a Norwegian thing ⚽️⛷️🇳🇴#4Hills | #FourHills | @HGranerud pic.twitter.com/5dTgG8xvP1

— Eurosport (@eurosport) January 1, 2023