Ѓоковиќ: Оваа победа е послатка поради нив, за мене е…

Новак Ѓоковиќ ја доби битката со Јаник Синер и дојде до нов пехар на големата сцена, овојпат на завршниот АТП Мастерс кој се играше во Торино.

Србинот имаше проблеми во групната фаза, но откако истата ја мина вчера и денеска покажа зошто е број еден, па откако му одржа лекција на Карлос Алкарас тоа го направи и против домашниот фаворит Синер кого го реши со 6-3 и 6-3.

-Многу посебен момент. Една од најдобрите сезони што ги имав во мојот живот. Круната е победата против локалниот херој Јаник. Тој е феноменален. Многу сум горд. Во последните два дена кога играв против Алкарас и Синер, двајца од најдобрите играчи покрај Медведев и јас. Морав да засилам. Феноменална недела.

-Одиграв фантастичен натпревар. Мислам дека одиграв тактички. Го наметнав својот ритам, сервирав феноменално. Имав шанса за дупли брејк, но потоа работите се искомплицираа. Останав смирен. Не е лесно да се игра покрај публика која е многу гласна, која сметаше меѓу поените. Тоа ја прави оваа победа уште послатка