Гатузо ја испрати првата порака како тренер на Марсеј: Многу сум среќен и горд…

Поранешниот италијански репрезентаитвец, Џенаро Гатузо официјално беше промовиран како нов тренер на францускиот великан Олимпик Марсеј.

Марсеј пред некое време се раздели со шпанскиот стручњак Марселино и во изминативе денови бараше негов наследник, човек кој ќе може да ги донесе посакуваните резултати. Изборот пад врз популарниот Рино кој последниот ангажман го имаше во Валенсија.

Тој во минатото ги водеше Сион, Палермо, Офи, Пиза, Милан и Наполи.

-Многу сум среќен и горд што му се приклучувам на Олимпик Марсеј. Тоа е клуб и стадион, „Велодром“ каде што имав можност да играм како играч, прославен низ цела Европа за страста и жарот. Со нетрпение очекувам да работам со мојот нов тим и да ги прифатам претстојните предизвици што не очекуваат, -порача Гатузо.