Феникс доби две засилувањa пред Купот на Македонија

Екипата на Феникс 2010 порача дека ќе даде се од себе за да го освои Купот на Македонија кој и оваа година ќе се игра во СРЦ „Кале“, а во пресрет на овој настан скопскиот состав ги засили своите редови со две нови имиња кои пристигнаа од редовите на Куманово.

Нови играчи на Феникс се искусниот Марјан Јанески и американскиот интернационалец Илајџа Џоинер. Јанески долго време е на домашната сцена, има настапувано во доста клубово, а во новата средина доаѓа со бројки од 14.6 поени и 7.2 скока.

Џоинер пак во „сино-белиот“ на кумановци одигра три натпревари на кои во просек бележеше 14.7 поени, 5.3 скока и 5.3 асистенции.

Ривал на Феникс во четвртфиналето на Купот е составот на Гостивар.