Елмас со прв старт во дресот на Лајпциг, Кејн со хет-трик до 30.гол за Баерн (ВИДЕО)

Македонскиот репрезентативец, Елиф Елмас и неговиот РБ Лајпциг издвојуваа победа над Дармштад од 2-0 во средата од 25. коло во Бундеслигата.

Елмас конечно доби шанса да биде стартер и беше активен во првото полувреме кое фаворитот го реши со 1-0. Во вториот дел играчот кој влезе на местото на Елиф, австрискиот интернационалец Баумгартнер постигна уште еден гол и го завери триумфот на „биковите“ кои со 46 бода се на 4. место на табелата.

Баерн Минхен пак имаше неверојатно шоу против Мајнц и се избори за триумф од 8-1. Кејн дојде до третиот хет-трик во Бундеслигата ии вкупно до 30 гол во ова натпреварување. Во листата на стрелци се запишаа уште Горецка (2), Милер, Мусиала и Гнабри.

Со ова баварците одново ја вратија предноста во однос на третопласираниот Штутгарт (четири бода) и воедно се на минус седум од лидерот Баер Леверкузен.

На другите средби Аугзбург беше подобар од Хајденхајм (1-0), а Менхенгладбах и Келн ремизираа во драмата со шест погодоци (3-3).