„Ел Команданте“ потпиша нов договор со ПСЖ

Поранешниот македонски селектор и екс тренер на Вардар, Раул Гонзалес ја продолжи соработката со францускиот прволигаш Пари Сен Жермен.

Шпанскиот стручњак ги води „светците“ од јули 2018 година, а според новиот договор треба да остане во сегашната средина најмалку до јуни 2025 година.

-Да се продолжи приказната со ПСЖ е чест. Горд сум што можам да ја продолжам работата што започна во 2018 година и што ќе можам да влијаам на иднината на клубот уште две сезони. Со раководството, споделуваме одлични амбиции за иднината. Јас сум одлучен нашиот тим да настапува на највисо национално и континентално ниво, да има одлични моменти со нашите навивачи и да го збогатам нашиот рекорд на достигнувања. Ова ќе биде нашата цел во втората половина од сезоната, -порача популарниот „Ел Команданте“ кој со овој тим има освоено осум титули.

✍️2️⃣0️⃣2️⃣5️⃣

Notre coach 𝐑𝐚𝐮𝐥 𝐆𝐨𝐧𝐳𝐚𝐥𝐞𝐳 prolonge l’aventure ! 🔴🔵 pic.twitter.com/bZY7sGaEUz

— PSG Handball (@psghand) February 2, 2023