Еклстоун за вревата што ќе добие дете на 90 години: Забавно е, не гледам никаква драма…

Поранешниот прв човек на Формула 1, Берни Еклстоун на 89 години ќе стате татко по четврти пат, информација која ја откри, потврди самиот тој, но и вест која донесе врева во јавноста со оглед на возраста на овој голем бизнисмен.

Токму за оваа галама, озборувања кои настанаа по веста, Еклстоун кој во октомври годинава ќе наполни 90 години даде коментар.

-Нема ништо невообичаено? Не сум имал работа некое време, па имав многу време да вежбам! Таа е воодушевена. Не сме сигурни за што е оваа врева. Јас сум многу среќен, среќен поради мојата сопруга, таа со нетрпение го очекува ова да се случи веќе неколку години, среќен сум што ќе има некој откако јас ќе заминам. Забавно е, не гледам никакви драми, имам внуци и едвај чекам да имам друго бебе, -порача Берни за „Дејли Мејл“.

Еклстоун има три деца кои се на возраст од 65, 35 и 31 година (Дебора, Тамара и Петра).