Дурент со големи комплименти за Јокиќ: Тој е еден од најдобрите центри во историјата

Феникс Санс претрпе тежок пораз од Денвер Нагетс (125-100), пораз кој значеше крај на сезоната за клубот од Аризона.

Домаќините не можеа да сметаат на услугите на двајца свои стартери Крис Пол и ДиАндре Ејтон, па во такви услови не можеа да дадат соодветен отпор против Јокиќ и компанија.

Особено во серијата се истакна Јокиќ кој беше нерешлива енигма за „сонцата“, имаше просек од 34,5 поени, 13,2 скока и 10,2 асистенции, изданија кои донесоа комплименти на негова адреса од Кевин Дурент.

-Секогаш сум имал почитување кон него. Оттсекогаш сум знаел дека е неверојатен играч. Не бев изненаден што овие играчи се добри, особено Јокиќ. Го гледав, играв порано против него, бидејќи тој стигна до врвот како играч. Не можам да кажам дека дознав нешто ново за него. Тие се одличен тим, имаат длабочина, многу играчи кои играат добро заедно, имаат одличен континуитет, тие се заедно долго време … колку години има Мелоун е таму? Шест години ?! Ова е голема предност што ја имаат. Знаете како да тренирате, ги познавате играчите, го познавате тимот, имате систем толку долго. Не, воопшто не сум изненаден. Јокиќ е еден од најдобрите на сите времиња. Тој ќе влезе во историјата како еден од најдобрите центри на сите времиња кои допреле топка, -порача Кеј Ди.

"I always knew how great he was…I wasn't surprised at all…he'll go down as one of the all-time great centers that ever touched a basketball"

Kevin Durant on Nikola Jokic pic.twitter.com/vmwqNL53Cw

— NBA TV (@NBATV) May 12, 2023