Димитријевиќ и Уникс со нов брејк во Краснодар, титулата во ВТБ лигата е на дофат

Ненад Димитријевиќ и неговите колеги од Уникс Казањ се на добар пат да дојдат до пехарот во ВТБ лигата откако денеска успеаа да направат уште еден брејк во финалната пресметка против Локомотив Кубањ.

Уникс славеше со 90-88 по дополнителните пет минути и сега води со 3-1 што значи дека потребна му е уште една победа за да го прослави трофејот во ова натпреварувања. Избраниците на Перасовиќ многу побрзо можеа да дојдат до денешниот триумф, водеа со дури 21 разлика во третиот период, но потоа му дозволија на домаќинот да се размавне, разигра и избори за продолжение во ко сепак гостите го имаа последниот збор.

Рејнолдс и Мејкон беа најрасполоежни за игра со по 18 поени, Лабери беше автор на 17 кошеви. Димитријевиќ поради 5 лични грешки мораше предвреме да го заврши дуелот, поточно за 25 минути реализираше 6 кошеви со 4 скока, 4 асистенции, 2 украдени топки и 1 блокада.

Хортон и Барфорд за Локомотив искомбинираа 55 поени.

Петтата средба е закажана за 16 мај.