Чави накратко објасни зошто ПСЖ ќе влезе како фаворит во четвртфиналната битка со Барселона

Чави Ернандес ова попладне направи најава на големото дерби против Атлетико кое се игра утре, но сосема очекувано, даваше одговори и за вчерашната ждрепка во Лигата на шампиони.

Четвртфиналните парови ги споија Барселона и ПСЖ, а интересно е тоа што Чави за противник ќе има еден од своите поранешни ментори, Луис Енрике.

Според француските медиуми, ПСЖ влегува како апсолутен фаворит за пласман меѓу четирите најдобри, а Чави смета дека таквиот статус само ќе му ја олесни ситуацијата на неговиот тим.

– Се согласувам со Французите, ПСЖ влегува како фаворит. Сметам дека се фаворити во овој момент, поради ситуацијата во која се двата тима и двата клуба. Историски гледано, ние имаме повеќе титули од нив во Лигата на шампионите, но во моментов тие се во подобрар ситуација од нас, имаат многу поголем буџет.

– Сигурен сум дека нема да не победат со ентузијазам и желба, ќе влеземе максимално на двата меча. Ни се падна еден од најтешките противници, но треба помалку да се зборува, а повеќе да се прави. Треба да зборуваме на теренот, да го покажеме нашиот талент и нашата вредност, – изјави Чави.