Барселона го сруши Реал во „Ел Класико“ и постави нов рекорд во Евролигата (ВИДЕО)

Екипата на Барселона славеше над Реал Мадрид со 83:78 во големото дерби на 18. коло во Евролига.

„Кралевите“ допатуваа во Каталонија со еден единствен пораз во елитното натпреварување, односно влегоа пресметката во далеку подобра форма и важеа за фаворити на хартија. Меѓутоа кога на теренот се овие два лути ривали се се заборава, не е важна позицијата и што е досега постигнато, па така домаќините водени од своите навивачи во „Палау Блауграна“ се изборија за важен триумф кој треба да им донесе нова енергија, самодоверба по лошите резултати во последно време.

Реал го доби првото полувреме со 47:45, а ја задржа истата предност и по третата четвртина (62:60), ама последните десет минути далеку подобро ги одиграа избраниците на Гримау (23-16) и со тоа го запишаа 12 сезонски триумф.

Оваа победа воедно значеше испишување на историја, бидејќи за Барса беше 421 славје во оваа конкуренција со што ја надмина ЦСКА Москва, поточно стана тим со најмногу победи во Евролигата.

⭐ 𝐑𝐄̀𝐂𝐎𝐑𝐃 𝐇𝐈𝐒𝐓𝐎̀𝐑𝐈𝐂! ⭐

Amb el triomf contra el Reial Madrid, ens convertim en l’equip amb més victòries a l’història de l’Eurolliga, superant el CSKA

6⃣2⃣8⃣ partits
4⃣2⃣1⃣ victòries pic.twitter.com/oq9lTpIxBE

— Barça Basket (@FCBbasket) January 3, 2024

Лидер беше Весели со 27 поени и 4 скока, Лапровитола додаде 14 поени со 4 скока и 8 асистенции, Калиниќ пак застана на 13 кошеви, 4 скока и 5 асистенции.

Муса и Хезоња реализираа по 19 и 16 кошеви кај гостите од Мадрид.