Барнли се врати во Премиер лигата, Чурлинов уште еднаш надвор од составот

На шест кола до крајот на регуларниот дел во Чемпионшип лигата, екипата на Барнли и математички го обезбеди враќањето во Премиер лигата.

Избраниците на Винсент Компани со 2:1 славеа во дерби пресметката со Миделсбро и си го букираа враќањето во најелитниот англиски фудбал, само една сезона по нивното испаѓање ранг подолу.

Барнли сега има огромни 19 бодови предност во однос на третопласираниот Лутон, а со оглед на фактот што до крајот има само шест натпревари и максимален број на бодови кои може да се освојат е 18, клубот од „Турф Мур“ и официјално се враќа во Премиер лигата.

На натпреварот против Миделсбро стрелци на головите за новиот премиерлигаш беа Ешли Барнс и Конор Робертс, додека за Миделсбро погоди Чуба Акпом.

Нашиот репрезентативец, Дарко Чурлинов уште еднаш беше надвор од протоколот и не доби шанса за настап од Винсент Компани.

Promotion back to the #PL at the first attempt! 👏

We’ll see you soon, @BurnleyOfficial! Congratulations! pic.twitter.com/eMagjOLgM8

— Premier League (@premierleague) April 7, 2023