Балотели: Никогаш не би играл за ПСЖ! Ама ако ти понудат десет милиони евра? Тогаш сигурно би прифатил

Марио Балотели своевремено важеше за голема италијанска надеж, играч кој може да биде лидер, предводник на една генерација, меѓутоа тој никогаш не ги исполнии тие очекувања и покрај квалитетот, знаењето, талентот кој е неспорен и до ден денеска.

Напаѓачот не беше доволно фокусиран, посветен на фудбалот и токму поради тоа не изгради уште позначајна кариера иако ако се погледнат клубовите во кои настапуваше (Интер, Милан, Манчестер Сити, Ливерпул, Олимпик Марсеј…)тогаш за многумина тоа е топ фудбалско патување.

Тој сега 33 години и е дел од турска Адана за која имаше одлично деби со два погодоци. Меѓутоа и денеска Супер Марио е специфичен лик и карактер и тоа уште еднаш го потврди во гостувањето на „ТВ Плеј“ каде запрашан за тоа дали би потпишал за ПСЖ покажа среден прст, па потоа порача:

-Нема шанси, нема апсолутно никакви шанси. Играв за Марсеј и Ница, така што нема шанси.

-А што ако ти понудат плата од 10 милиони евра годишно?

-Па, секако дека тогаш би прифатил, за 10 милиони евра би одел да играм и во тимот на брат ми, -порача Марио.

🗣️ "Ci andresti al #PSG ?", la risposta di #Balotelli è… 💣

👀 Anche se, seppur all'inizio netta, la posizione di Super Mario può cambiare in un caso 😂@Erfaina1988 #mariobalotelli #calcio #ligue1#olympiquemarseille #nizza #seriea #psg #parissaintgermain #alkhelaifi… pic.twitter.com/l3dcsQ7RYD

— TVPLAY (@tvplayofficial) October 2, 2023