Аталанта ослабена на клупата, Милан без тројца важни играчи за петочното дерби

Милан ја пречекува Аталанта во петок во најинтересниот натпревар од следното коло во Серија А, а и двете страни добија суспензии од дисциплинската комисија.

Тренерот на Аталанта, Џан Пјеро Гасперини заработи исклучување по конфликтот со Синиша Михајловиќ на дуелот со Болоња и поради тоа нема да може да го води својот тим на „Сан Сиро“.

Одлуката на дисциплинците е дека Гасперини му се спротивставувал на судијата Ла Пена и поради тоа ќе го следи дуелот од трибините.

Од друга страна, неговиот колега Стефано Пиоли има проблеми со ростерот, бидејќи поради акумулирани жолти картони, еден натпревар ќе прескокнат Тео Ернандез и Исмаел Бенасер.

Интересно, Ернандез стигна до десет, а Бенасер до дури четиринаесет жолти картони досега во Серија А.

Милан во одбраната ќе биде без Алесио Ромањоли, кој може да го пропушти преостанатиот дел од сезоната.