Засрамениот Надал се извини за гафот кој го направи на прес-конференцијата

Рафаел Надал направи невообичаен гаф, коментирајќи ја актуелната ситуација на Аустралијан Опен, каде тој веќе се пласираше во четвртфиналето.

Шпанецот со убедливи 3:0 го совлада Фабио Фоњини, а на вообичаената прес-конференција по мечот, ги изненадил новинарите со информација која не била официјално објавена и тие не ја знаеле.

– Направив важен чекор, а сега ме очекува мечот со Циципас.

– Официјална е информацијата? Играат вечерва, добро, слушнав дека Беретини е повреден, но очигледно не е официјално потврдено. Се извинувам поради ова, погрешив, но не сум виновен, – изјавил засрамениот Надал кој ги претрка новинарите со важната информација.

Беретини подоцна официјално го предаде мечот без борба, па Стефанос Циципас поодморен ќе го пречека четвртфиналето со Надал.