Вавринка го „поздрави“ Пике: Благодарам што го уништивте Дејвис купот (Видео)

Дејвис куп натпреварувањето претрпе целосна промена на форматот откако со него почна да менаџира компанијата зад која стоеше Жерард Пике, но голем број тенисери сметаат дека така се загубила магијата на специфичното натпреварување.

Компанијата на Пике во меѓувреме ја заврши соработката со ИТФ, но и годинава се игра според истиот формат, кој води кон завршен турнир во Малага.

Искусниот Станислас Вавринка ги брани боите на Швајцарија на турнирот кој се одржува во Манчестер, а оттаму испрати „поздрав“ до Пике и ИТФ, иронично заблагодарувајќи им се на атмосферата во салата каде се играат мечевите, а каде дуелите меѓу Франција и Швајцарија ги следеле минимален број гледачи.

Пике веднаш возвратил на твитот со статистика за минатата година, но Вавринка го потсетил дека проектот бил толку „успешен“ што ИТФ го раскинал 25-годишниот договор.

Thank you @3gerardpique @ITFTennis 🤬🤦🏻‍♂️! @DavisCup France vs Switzerland in Manchester lol pic.twitter.com/XqcqSQEURd

— Stanislas Wawrinka (@stanwawrinka) September 12, 2023