Успешна операција на „светците“: ПСЖ добива напаѓач од 90 милиони евра (ВИДЕО)

Најдобриот француски клуб, Пари Сен Жермен се одлучи да започне нов проект во кој нема повеќе има големи супер ѕвезди од типот на Меси, Нејмар и Рамос, поточно почна да гради квалитетна, конкуретна екипа со играчи желни за докажување, успеси.

„Светците“ успешно реализираа неколку зделки и ги ангажираа Ернандес, Дембеле, Асенсио, Угарте и Рамош за да на крајот стигнат и до напаѓачот кого толку го посакуваат и вложија огромен труд за да го добијат неговиот потпис.

Повеќе извори пренесуваат дека ПСЖ сепак успеал да се разбере со Ајнтрахт Франкфурт и Рандал Коло Муани ќе игра на „Паркот на принцовите“.

Целата зделка ќе биде меѓу 90-95 милиони евра, а напаѓачот ќе потпише петгодишен договор.

Коло Муани има 24 години што значи има простор да се развива, напредува и да стане еден од најдобрите играчи на светот на неговата позиција.