Тудор решил да го напушти Олимпик Марсеј

Олимпик Марсеј ќе игра квалификации за Лигата на шампионите и доби солидна оценка од фановите за сезоната во која ќе биде освоено третото место, но наредната, францускиот клуб ќе мора да биде предводен од друг тренер.

Игор Тудор денеска најавил дека деновиве ќе има состанок со челните луѓе околу својата иднина, но „СпортИталија“ тврди дека хрватскиот стручњак веќе има донесено конечна одлука.

Таа е дека Тудор ќе го напушти Олимпик Марсеј по крајот на сезоната и ќе бара нов предизвик во некоја од најквалитетните лиги во Европа.

Поранешниот дефанзивец е најблиску до враќање во Италија, па медиумите го претставуваат и како кандидат за наследник на Макс Алегри во Јувентус.

Тудор е поранешен играч на „бјанконерите“ и му беше асистент на Андреа Пирло кога овој го водеше Јувентус, па неговата поврзаност со торинскиот клуб може да му донесе предност во однос на другите кандидати.