Шампионот запиша втор триумф против Лејкерс, Мајами не ја искористи првата „меч топка“ против Њујорк (ВИДЕО)

Екипите на Лос Анџелес Лејкерс и Мајами Хит не ги искористија првите „меч топки“ во пресметките против Голден Стејт Вориорс и Њујорк Никс во плејофот во НБА лигата.

„Езерџиите“ немаа сила да ја затворат серијата против „воините“ во Сан Франциско, поточно актуелниот шампион славеше со 121-106 и со тоа намали на 3-2. Комплетната домашна петорка, плус резервистот Пул беа двоцифрени, најефикасен беше Кари со 27 кошеви.

Леброн со 25 поени беше прв стрелец кај Лејкерс. Кога е во прашање составот од Калифорнија тука треба да се каже дека Дејвис не можеше да го заврши мечот по ударот кој во глава го доби од Луни, мораше да биде искористена и инвалидска количка за да се движи, меѓутоа последните вести се дека центарот е во ред, не влегол во НБА протоколот за потрес на мозок, поточно на свои нозе ја напушти арената.

AD walking out of Chase Center after suffering head injury

(via @mcten)pic.twitter.com/5F2RFbZvEJ

— Bleacher Report (@BleacherReport) May 11, 2023

Њујорк Никс пак на крилата на неверојатниот Брансон кој ги одигра сите 48 минути славеше над Мајами со 112-103. Плејмејкерот имаше учинок од 38 поени, 9 скока и 7 асистенции, а одлична поддршка му беше дуото Берет-Рендл кое искомбинира 50 кошеви.

Домаќините одиграа одлична одбрана врз најдобриот играч на гостите Батлер кој заврши со „само“ 19 поени.

Ако Никси сакаат да ја вратат серијата во „Медисон Сквер Гарден“ ќе мора да слават на теренот на противникот на наредниот натпревар.