Сања даде прогноза за дербито Сити-Арсенал: Можам да видам…

Премиер лигата ни го носи 30. коло, а истото дефинитивно ќе биде одбележано од дербито меѓу Манчестер Сити и Арсенал, меч кој може да се покажа како клучен во борбата за пехарот.

Ова е дуел во кој актуелниот првак ќе влезе со бод помалку од актуелниот лидер на табелата кој го доби првото сезонско соочување со 1-0.

Огромно внимание предизвикува оваа пресметка, па Бакари Сања како играч кој во кариерата настапуваше за двата тима даде прогноза за исходот на „Итихад“.

– Можам да видам како ремизираат на „Итихад“. Сити на домашен терен може да биде изложен на опасност, затоа што многу напаѓа и оставаат простор за контранапад, а сите знаеме колку брзи се играчите на Арсенал.

– Силата на Сити е тоа што можат да го стават под притисок било кој тим, но Арсенал исто така може да врши притисок, па мислам дека ќе биде нерешено, -истакна Французинот за „Педи Пауер“.