Роналдо нокаутираше камерман со неуспешен обид од слободен удар (Видео)

Кристијано Роналдо не успеа да реализира од слободен удар на денешниот натпревар на неговиот клуб Ал Наср, а тоа најдобро на своја кожа го почувствува еден од камерманите покрај теренот.

Реализацијата на преносот претставува одреден ризик за техничарите и камерманите покрај теренот, а еден од тие ангажирани на дуелот меѓу Ал Раед и Ал Наср заврши со мал нокдаун.

Португалецот биеше за малку покрај голот, но топката не беше баш пријатен „подарок“ за камерманот, кој долго ќе го памети промашувањето на големата ѕвезда.

Роналдо на оваа средба сепак се запиша во листата на стрелци, а Ал Наср победи со 3:1.

Camerman is the newest victim of Ronaldo’s free kickspic.twitter.com/sRdsLvMPfE

— Troll Football (@TrollFootball) September 16, 2023