Македонија
Претставена новата машина на Иџе: Стефановски влезе во семејството на Ферари!
Вечерва во Скопје беше претставен новиот автомобил што од идната сезона ќе биде управуван од македонскиот пилот Игор Стефановски – Иџе.
Заблагодарувајќи се на присутните за поддршката, Стефановски не соопшти многу детали за љубопитната јавност.
– Можеби имам три шампионски титули, но кога Ве гледам сите тука вечерва како моја поддршка, чувствувам дека тоа е мојата најголема победа во животот,- рече актуелниот европски првак во автомобилизам на ридски патеки.
Тој заедно со своите најблиски соработници од клубот го откри новото возило, Ferrari 488 Challenge Evo, за кое е познато дека има осумцилиндричен мотор со зафатнина од 3,9 литри и околу 700 коњски сили.
Вечерва публиката немаше шанса да слушне многу за тоа каде ќе настапува Стефановски со овој автомобил, но во своето обраќање потпретседателот на клубот, Дане Кузмановски, најави дека ќе имаат поддршка од фабриката, за која рече дека била тешка да се обезбеди.
Овој автомобил минатата година бил користен на кружни трки, а Стефановски го тестирал минатиот месец, по што започнале преговорите за негово купување. „Дерби“ претходно објави дека оваа година Стефановски ги продаде двата автомобила со кои настапуваше претходно, Сеат Леон и Хјундаи i30, па беше извесно дека во 2024 година ќе има нов автомобил.
-
Шпанијапред 22 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Формула 1пред 23 часа
Голем удар за Ред Бул: Адријан Њуи најавил дека планира нов предизвик
-
Шпанијапред 19 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
НБАпред 19 часа
Јокиќ го исфрустрира ЛеБрон во еден дуел, изразот на лицето на Џејмс стана вирален (Видео)
-
Балканпред 12 часа
Барди: Во еден период бев подобар од Меси…
-
Лига на шампионипред 13 часа
Признание за најдобрата македонска судијка: Пројковска ќе суди полуфинале во ЛШ
-
Шпанијапред 11 часа
Ѓулер стрелаше, Реал го освои Сан Себастијан (ВИДЕО)
-
НБАпред 14 часа
Перкинс: Леброн никогаш повеќе нема да освои титула…