Полска ја разби Италија и ја грабна европската титула

Селекцијата на Полска е победник на 33. одбојкарско Европско првенство, настан на кој Македонија беше еден од ко-домаќините заедно со Италија, Бугарија и Израел.

Полјаците во големото финале го разбија досегашниот шампион Италија и тоа на негов терен во Рим. Избраниците на Никола Грбиќ беа доминатни и славеа со 3-0 во сетови. Гостите знаеја што сакаат на овој меч и со 25-20, 25-21 и 25-23 дојдоа до европското злато, прво по 2009 година.

Вилфредо Леон кој имаше 13 поени во финалето беше прогласен за МВП на турнирот.

Бронзениот медал пак заврши кај Словенија која по една драма беше подобра од Франција со 3-2 во сетови.