Петровиќ го „пецна“ Пешиќ: Дали се уште сака укинување на АБА лигата?

Српскиот селектор Светислав Пешиќ веќе подолго време апелира за реконструкција на српската кошаркарска лига и враќање на најсилните клубови во домашното првенство.

Искусниот стручњак смета дека АБА лигата не носи добро за српската кошарка и за репрезентацијата, па затоа посакува клубовите предводени од Црвена Звезда и Партизан да играат класичен домашен шампионат.

Шпекулациите дека клуб од Дубаи ќе се приклучи на регионалното натпреварување и ќе го постави токму Пешиќ за свој тренер го испровоцира легендарниот Ацо Петровиќ да испрати провокативно прашање на адреса на српскиот стручњак.

– Ме интересира, бидејќи по медиумите се прошири ваква вест, дали господинот Пешиќ навистина треба да стане тренер на Дубаи, клуб кој би играл во АБА лигата и Еврокупот.

– И ако е така, дали Пешиќ се уште смета дека АБА лигата треба да биде укината, – напишал хрватскиот стручњак на „Икс“.

Interesira me, jer se po medijima proširila vijest, da li je točno da bi g. Pešić trebao preuzeti trenersku poziciju u momčadi Dubaia, koja bi u slijedećoj sezoni, trebala igrati ABA ligu te Eurocup? Ukoliko jeste, da li Pešić i dalje ostaje pri ideji da se ABA razmontira🧐🏀

— Aleksandar Petrović (@petrov_aco) February 24, 2024