Пелистер се одбрани во последниот напад и освои голем бод против Бидасоа

Еурофарм Пелистер претрпе тежок пораз од Бидасоа Ирун пред шпанската публика, но денеска успеа да извлече бод и да се избори за реми во новиот европски предизвик против истиот противник.

Битолскиот тим ремизираше 29:29 во салата „Боро Чурлевски“ и се прикажа во далеку подобро светло од она минатата седмица, иако на крајот мораше да се брани и буквално во последниот напад да го осигура бодот.

Еурофарм Пелситер пропушти голема шанса да има многу покомтна предност на полувреме со оглед на тоа што водеше со 16:12, но падот во последните минути од првиот дел направи да има само еден гол предност (17:16).

Во второто полувреме, тимот на Валтер не можеше да ја повтори играта од првите 30 минути и имаше три гола негатива, но сепак покажа карактер и успеа да се избори за израмнување од 29:29.

Шпанците го имаат последниот напад за нова победа против битолчани, но сепак домашната одбрана одлично одговори и мечот заврши без победник.

Хосни со осум погодоци беше најдобар поединец во македонскиот тим, седум гола постигна Танкоски, додека Хенеберг беше доста скромен и зад своето име запиша четири гола, од кои три на самиот старт на мечот.