Павлов се враќа со сребрен медал од Светското првенство во Дубаи (Видео)

Емил Павлов како најдобар македонски каратис настапи на Светското првенство кое се одржува од Катар, а оттаму денеска пристигна фантастична вест за успех на нашиот претставник.

Павлов го освои сребрениот медал во категоријата до 67 килограми на светскиот шампионат во Дубаи, каде во зваршната борба беше поразен од актуелниот олимписки првак.

Французинот Стивен Да Коста покажа зошто важи за најдобар во оваа категорија и ја доби финалната борба со резултат 8:0, што секако нималку не ја намалува заслугата за големиот успех кој го оствари најдобриот македонски каратист.

Павлов на Светското првенство ги совлада Матеј Хомола, Садтидин Сајматов, Абдала Хамад, Али Елсави и Мартијал Ивес Тадиси во полуфиналето.

Македонскиот каратист беше рамноправен најголем дел од борбата, но во завршницата доби неколку удари од Да Коста кој сега стана и актуелен светски шампион во категорија до 67 килограми.