Партизан демонстрираше моќ во Белград и го победи МЗТ со 53 поени разлика

МЗТ Скопје важеше за аутсајдер при заминувањето за Белград, но од српската престолнина ќе се врати со тежок пораз кој само докажува колкава е разликата во квалитет со еден од двата најдобри тима од Србија.

Партизан игра елитна кошарка во Евролигата и во мокментов е друга лига за македонскиот првак, кој оваа вечер немаше среќа и пораади тоа што го загуби Кук уште во првата четвртина.

МЗТ остана без својот одличен кошаркар уште во петтата минута, а лошото отворање на мечот беше најава за потопот кој следеше во кошаркарски дел.

Партизан демонстрираше моќ и се прикажа во навистина брутално издание оваа вечер пред домашната публика, остварувајќи победа од 120:67.

Разликата од 53 поени доволно го отсликува распоредот на силите во двата тима, од кои едниот се бори за титулата во АБА лигата, а другиот за опстанок во елитата.

За МЗТ ова беше 13-ти пораз во АБА лигата и останува последен на табелата, додека Партизан се искачи на првото место со 13 победи и 2 порази.