О’Саливен играше со розеви нокти и спречуваше пораз од анонимен Французин (Видео)

Рони О’Саливен избори пласман во следната рунда на Отвореното првенство на Англија во снукер и тоа со победата над Французинот Бриан Ошоиски (4:2) во Милтон Кејнс.

Противникот на „ракетата“ одлично го почна дуелот од првото коло и поведе со 2:0 во фрејмови, но следеше одговор на фаворитот, при што О’Саливен победи во следните четири фрејмови, истовремено забележувајќи го и 1063-тиот сенчри во кариерата.

Ошоиски влезе како аутсајдер во мечот со своите 21 година и релативно непознат статус меѓу снукер фановите, па може да биде задоволен од проблемите кои му ги создаде на актуелниот светски шампион.

Che ci fa Ronnie O’Sullivan con unghie pitturate di rosa?#EurosportSNOOKER | #EnglishOpen pic.twitter.com/a7vD0Gg3Lg

— Eurosport IT (@Eurosport_IT) October 12, 2020

Она што го привлече вниманието на фановите е фактот што О’Саливен играше со лакирани нокти и тоа во розева боја, нешто што тој подоцна и го објасни како свој удел во поддршката за хуманитарна организација која им помага на болните од рак на дојка.

Let’s nail breast cancer @futuredreamss. I’ll be getting my pink nails out tonight in support of Breast cancer. Please donate £5 if you can text LNBC5 to 70500 who is going to join me? pic.twitter.com/ecOIFa8was

— Ronnie O’Sullivan (@ronnieo147) October 12, 2020