Олимписки негативец на денот: Маратонец ги налути фановите со неспортски потег (Видео)

Олимписките игри во Токио очекувано донесоа возбудливи моменти, рекорди и многу емоции за учесниците и фановите, но како по правило мора да има и неколку испади кои ќе заработат осуда од спортската јавност.

Таков е потегот на францускиот маратонец Морад Амдуни, кој ги изиритира фановите со еден некоректен потег за време на трката.

За разлика од неговите ривали кои вообичаено земаа шише вода за освежување, Амдуни реши да ги истурка сите шишиња од првиот ред и да го земе последното, што очекувано беше протолкувано како обид да ги остави конкурентите без вода до следниот пункт за освежување.

Како утеха е информацијата дека Амдуни на крајот го освои само 17. место, додека Холанѓанецот Абди Нагеј кој извиси за вода, на крајот му се радуваше на сребрениот медал.

Don’t be Amdouni…… Ever……… On any stage…… https://t.co/Muly5ZA1oR

— Kurt Fearnley (@kurtfearnley) August 8, 2021