Обрадовиќ: Се се договоривме, а потоа Хезоња ни дава тројка од аут (ВИДЕО)

Партизан не успеа да се справи со Реал Мадрид и доживеа пораз од 88:76 во средбата од 31. коло во Евролигата.

„Црно-белите“ водат жестока битка за пласман во плејин фазата и секој пораз на домашен терен може да се покаже како пресуден да не се оствари целта без разлика на тоа што од другата страна го имате актуелниот европски првак.

Домаќините немаа одговор за расположениот Марио Хезоња кој уфрли пет тројки, односно го заврши дуелот со вкупно 25 поени, 6 скока и 4 асистенции.

-Реал ја направи разликата во третата четвртина и секако Марио Хезоња го одигра мечот како што ја одигра. Се подготвувавме за натпреварот, знаевме дека е шутер дека никогаш не треба да ги спуштате рацете. Има шут од седум, осум, девет метри. Хезоња постигнува тројка од аут, практично дава три поени од одбраната. Потоа сето ова со спуштени раце кон него, офанзивни скокови со други играчи кои доаѓаат од втор план, сето тоа кога ќе се собере, тоа е огромно искуство што го има овој тим. Се уште се гладни, без разлика што се шампиони на Европа и први. Ти учиш од најдобрите, ние треба да учиме од нив, јас и играчите, со каква желба да играме.

-Треба да имаме уште поголема желба. На почетокот дадоа кошеви од секаде, од нашитгрешки. И во ред, тоа треба го имаме во нашата тактика за да се обидеме со зонски пресинг. Не можеме секој натпревар да го играме исто, тоа е скаутинг. За тоа најмногу жалам, кога играш против шампионите на Европа, тие ги имаат Хезоња, Кампацо, играчи кои одат да постигнат кошеви. Нема да запрат додека не постигнат кош. Тоа е филозофијата, тоа го земаат од играчите од Америка. Играј брат, првата и последната работа е да постигнеш кош и тоа е она што ги учам играчите, -истакна тренерот на Партизан, Жељко Обрадовиќ.