Младинките ја продолжија лошата серија на ЕП во Романија

Македонската женска ракометна репрезентација за играчи до 19 години денеска загуби од Исланд (35:29) на Европското првенство во Романија, со што останува да се бори за избегнување на последното место на турнирот.

Противникот на полувреме имаше убедливо водство од 20:15 и истото се покажа како доволно за Исланд да стигне до посакуваната победа, нанесувајќи уште еден пораз во серија за нашата репрезентација.

Трпеска со 6, односно Стефаноска и Јанкуловска со по 5 голови биле најефикасни во нашиот национален тим, додека Дукоска и Коцева го завршиле натпреварот со по 4 погодоци.

Кај противникот се истакнала Агустсдотир со 11 голови, додека Поркелсдотир стигнала до 7 погодоци.

Македонија ќе го заврши настапот на ЕП со дуел со Хрватска и тоа во борба за 15. место.