Меси отпадна од комбинација за настап на претстојните два натпревари на Аргентина (Фото)

Мартовскиот прозорец предвиден од ФИФА е последна подготовка за светските репрезентации пред предизвиците кои ги чекаат претстојново лето, па поради тоа во наредните 10 дена ќе гледаме голем број пријателски натпревари.

Овој репрезентативен циклус доаѓа во чувствителен дел од клупската сезона и главен фокус ќе биде да се избегнат непотребни повреди, а Аргентина на наредните два теста нема да може да смета на својот капитен.

Иако Лео Меси секогаш ужива да игра за репрезентацијата и не одбива ниту еден повик, сега е приморан да одмори, откако репрезентативниот лекар утврдил повреда на мускулот.

Меси се повреди на натпреварот против Нешвил на кој беше повлечен на стартот на вториот дел, а поради истата повреда, сега ќе го прескокне мартовскиот собир на светскиот шампион.

Аргентина ќе игра против Салвадор и Костарика, па тоа ќе биде добра шанса и за играчи кои поретко добиваат шанса од Скалони.

#SelecciónMayor El capitán de @Argentina, Lionel Messi, no podrá estar en la convocatoria para los amistosos en #USA debido a una pequeña lesión en el isquiotibial de la pierna derecha sufrida en el partido de su equipo @InterMiamiCF ante Nashville SC. pic.twitter.com/1GjInbRyWJ

— 🇦🇷 Selección Argentina ⭐⭐⭐ (@Argentina) March 18, 2024