Манчестер Јунајтед со соопштение го објасни новиот статус на Санчо

Англискиот клуб Манчестер Јунајтед денеска објави соопштение со кое го потврди статусот на Џејдон Санчо, повремениот англиски репрезентативец кој очигледно има се помали шанси да се врати во составот на „црвените ѓаволи“.

По конфликтот со менаџерот Ерик тен Хаг, Санчо нема да тренира со останатите членови на првиот тим, што е јасна најава зад кого застанува клубот во оваа ситуација.

– Санчо ќе работи според индивидуална програма, оддалечен од првиот тим, очекувајќи решение за случајот со прекршување на дисциплината, – објави кратко премиерлигашот.

Одлуката е дополнителна најава дека Санчо може да замине од „Олд Трафорд“ уште во јануари, освен ако нема голем пресврт, за кој шансите се минимални.

Тен Хаг во составот нема да го има ниту Антони, кој е оддалечен од тимот поради обвинувањата за физичко насилство од неговата поранешна партнерка.