Поврзете се со нас

Ватерполо

Легендарниот Рудиќ стави крај на тренерската кариера

Објавено

на

Легендарниот ватерполо тренер Ратко Рудиќ се раздели со италијанскиот клуб Про Реко и најави крај на својата успешна кариера.

Рудиќ кој има 72 години се пензионира малку порано од предвиденото поради актуелната пауза наметната од коронавирусот, а го предводеше Про Реко од јуни 2018 година.

Хрватскиот стручњак ќе биде запаметен како најтрофеен тренер во овој спорт, откако само со Хрватска освои 10 медали, а статистиката вели дека како играч и тренер има освоено 67 медали. Тој е и единствениот тренер во спортовите со топка кој освоил четири олимписки злата со три различни репрезентации.

Рудиќ дебитирал како играч на Јадран во 1963 година, освоил 8 југословенски и 2 европски титули со Партизан, како и неколку олимписки медали со репрезентацијата.

Во 1984 година станува селектор на југословенската репрезентација, која како ватерполо светска сила станува олимписки шампион во 1984 и 1988 година и светски шампион во 1986 година.

Рудиќ освои уште многу модели како селектор на Италија и Хрватска, а има голема заслуга и за развојот на ватерполото во САД и Бразил.

Реклама
Реклама
Реклама

Популарни