Ла Риоха падна во Скопје: Алкалоид со прва историска победа го заокружи настапот во Европската лига

Македонскиот ракометен вицешампион, Алкалоид со победа над Ла Риоха од 28-27 ја заврши сезоната во Лигата на Европа.

Ова беше меч за престиж со оглед на тоа што од претходно двата тима ги загубија шансите за пласман во наредната фаза, па така во една занимлива, борбена пресметка избраниците на Лазаров се изборија за триумф кој е исторски, прв за клубот во ова натпреварување и воедно европските купови.

„Сино-белите“ од Автокоманда се изборија за предност од 15:13 во првиот дел, по паузата двата тима имаа свои добри минути, се менуваа во водството за да забршницата му припадна на домаќинот и ги израдува присутните гледачи во СЦ „Јане Сандански“ во Скопје.

Митев со 10 и Џонов со 5 погодоци беа најефикасни, блескава партија на голот имаше Галевски со 18 интервенции.

Силкеборт во оваа група ја совлада Војводина со 26:22 и го потврди првото место во групата. Српскиот претставник со 8 бода е втор, додека Алкалоид со 3 поени е на третата позиција поради подобриот меѓусебен дуел со Ла Риоха.