Европски првенства
Куртоа откри детали од караницата со белгискиот селектор: Тој ми се закани…
Тибо Куртоа доживеа голем шок на стартот на сезоната и заработи најтешка повреда во кариерата, проблем поради кој практично ќе ја пропушти цела натпреварувачка кампања.
Од Шпанија се појавија информации дека Куртоа има шанси да се врати во мај и да одигра неколку меча во самиот финиш од сезоната, но ако е нешто сигурно, тоа е дека Тибо нема да настапи на Европското првенство во Германија.
Голманот самиот се прецрта за континенталниот собир кој следи, не поради нарушениот однос со селекторот Тедеско, туку поради ветувањето кое му го дал на својот клуб Реал.
Во интервјуто за „Спорца“, искусниот чувар на мрежата говореше за планот кој го има со повредата, но и за скандалот кој го предизвика во репрезентацијата кога го напушти кампот поради несогласување со Тедеско.
– Неколку часа пред мечот со Австрија, Тедеско не повика мене и Лукаку и ни соопшти дека Ромелу ќе биде капитен против Австрија, а јас против Естонија. Тогаш се скрши нешто во мене, едноставно не бев во ред. Одиграв најдобро што можев против Австрија, а по последниот судиски свиреж отидов кај селекторот и му порачав дека има проблем.
– Селекторот не се потруди да пронајде решение, еднставно ми порача дека ќе каже се во јавноста. Сакаше да го зголеми притисокот врз мене за да не си одам, тоа беше еден вид на закана. Знам дека не требаше да си одам, но не беше добра реакцијата и на селекторот. Имавме приватен разговор, а истиот потоа стана јавен, – објаснува Куртоа и додава.
– Со Реал се договорив дека нема да играм на Европското првенство. Сакам да се рехабилитирам максимално, да не избрзувам со враќањето. Нема да има Европско првенство за мене, сакам да се фокусирам на целосно заздравување, – додава Белгиецот.
-
Шпанијапред 24 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Шпанијапред 21 час
Промена во последен момент: Белингам во составот, друга ѕвезда на Реал отпадна за дуелот со Сосиедад
-
НБАпред 21 час
Јокиќ го исфрустрира ЛеБрон во еден дуел, изразот на лицето на Џејмс стана вирален (Видео)
-
Балканпред 14 часа
Барди: Во еден период бев подобар од Меси…
-
Лига на шампионипред 15 часа
Признание за најдобрата македонска судијка: Пројковска ќе суди полуфинале во ЛШ
-
Шпанијапред 13 часа
Ѓулер стрелаше, Реал го освои Сан Себастијан (ВИДЕО)
-
НБАпред 16 часа
Перкинс: Леброн никогаш повеќе нема да освои титула…
-
Германијапред 15 часа
Баерн подготвува терен за новиот тренер: Ќе имаме одлука за една недела