Крауч: Секоја чест за Мбапе, но јас ова го правев одамна

Килијан Мбапе не ги разочара француските фанови, но неговиот учинок не беше доволен за триумф на неговата земја во финалето на СП 2022.

Мбапе посебно ги импресионираше фудбалските фанови во цел свет со начинот на кој го постигна вториот гол, кога успеа прецизно да ја зафати топката со волеј и да го совлада Мартинез.

Покрај комплиментите, од Англија стигна и една интересна забелешка испратена од Питер Крауч.

Поранешниот англиски репрезентативец често се шегува на своја сметка на Твитер, а и овојпат успеа да собере навистина многу коментари и лајкови на твитот.

– Неверојатно од страна на Мбапе, но јас го правев ова уште во 2006 година, – напиша Крауч до својата фотографија.

Incredible from Mbappe but I was doing this shit in 2006 pic.twitter.com/eaRIH90Fgc

— Peter Crouch (@petercrouch) December 18, 2022