Клубот од Дебар Маало има нов сопственик: Работнички официјално продаден за 600.000 евра

Поранешниот македонски шампион Работнички и официјално има нов сопственик, а тоа е турската компанија Џевахир.

Македонска берза објави дека објави дека се продадени 250 акции на овој клуб, односно целата трансакција изнесува 36.904.250 денари или поточно составот од Дебар Маало е продаден за околу 600.000 евра.

Со ова „романтичарите“ официјално отвараат ново поглавје во својата историја и останува да се види дали новите газди ќе го вратат тимот на старите патеки со оглед на тоа што Работнички е четирикратен македонски првак, исто толку пати има триумфирано и во Купот, а во минатото имаше одлични резултати и во Европа каде беше многу блиску и до пласман во групната фаза во ЛШ и ЛЕ.

Интересно, новиот сопственик реши да плати 24 пати поскапо за да ги добие сите акции на клубот од Дебар Маало, бидејќи номиналната вредност за една акција изнесуваше 100 евра, а Турците платиле 2.400 евра.