Како на видео-игра: Соиграч на Елмас го постигна најбрзиот гол во историјата (Видео)

Австриската фудбалска репрезентација вчера оствари победа на пријателското соочување со Словачка, а натпреварот ќе биде запаметен и поради голот на Кристоф Баумгартнер.

Австрискиот репрезентативец тргна од центарот, помина покрај неколку словачки репрезентативци и го совлада Мартин Дубравка за само 6 секунди, со што го постигна најбрзиот гол во историјата.

Соиграчот на нашиот Елмас во Лајпциг, реализираше акција како на видео-игра во Братислава, а успеа да го подобри досегашниот рекорд на Лукас Подолски, кој постигна гол за седум секунди на дуелот меѓу Германија и Еквадор во 2013 година.

Слично време вчера му требаше и на Флоријан Вирц, кој ги шокираше Французите со брзиот гол на пријателскиот натпревар во Лион.

Austria’s Christoph Baumgartner scored the fastest goal in the history of international football,it took him just six seconds to find the back of the net against Slovakia.pic.twitter.com/COZIXi5Hal

— 𝐌𝐀𝐓𝐂𝐇 𝐃𝐀𝐘! (@TodayMatchHD) March 23, 2024